Mokabat sa 311, 000 ka mga Coconut seedlings ang target nga iapod-apod sa Philippine Coconut Authority (PCA) Zamboanga del Sur alang sa mga Coconut Farmer’s sa lalawigan sa tuig 2025.
Matud ni PCA Zamboanga del Sur Project Development Manager Deonedes Dagatan, ang procurement sa seedling gigahinan ug pondo sa ilang buhatan nga mokabat sa 6.5 million.
Gisaysay ni Dagatan, lakip sa ilang procurement process ang pagdawat ug bidding gikan sa mga cooperatiba ug mga Civil Society Organizations (CSOs) nga nagikan sa Zamboanga del Sur.
Ang cooperatiba o grupo nga makadaog sa bidding maoy ma-aprubahan sa PCA Zamboanga del Sur nga makaproduce og seedlings paliton nila sa P95 kada punuan.
Alayon niini, gidasig ni Dagatan ang tanang mga Cooperatiba sa pagpartisipar sa ilang programa aron usab makapahimulos sa programa sa PCA Zamboanga del Sur.
