Nasikop sa kapulisan ang usa ka 31-anyos nga lalaki, human masakpan nga naggamit sa gitouhang illegal nga drugang shabu, dihang paspas nga girespondihan sa mobile patrol team nga gipangulohan ni PCPT. Michaelangelo C. Roldan, kauban ang mga intel operatives sa may alas 12:10 sa kaadlawon, Byernes, Agosto 22, 2025, sa sulod mismo sa panimalay sa suspek sa Purok 1, Barangay Tambacan, Iligan City.
Una nga nakadawat og report ang kapulisan pinaagi sa usa ka tawag gikan sa usa nagpakabanang individual nga nagreport sa panghitabo.
Naaktuhan sa mga awtoridad ang suspetsado nga naghithit sa drugang shabu hinungdan nga paspas kini nga gisikop.
Nakuha sa kapulisan gikan sa nahimutangan sa suspetsado ang mga ebidensya nga gilangkuban sa usa (1) ka heat-sealed sachet nga adunay sulod sa gituouhang shabu, usa (1)ka tape-sealed sachet nga adunay residue sa shabu,tulo (3) ka improvised glass pipe (babing),usa (1) ka blue disposable lighter , improvised aluminum foil needle,lain pang usa (1) ka disposable lighter,duha (2) ka aluminum foil tooter ug usa ka rolyo sa aluminum foil.
Sa kasamtangan balhog na sa presohan ang suspetsado samtang gihikay ang dugang legal nga proseso.
