Arestado ang usa ka senior citizen atol sa gilusad nga intelligence-driven operation sa PIU ZSPPO, Bayog MPS, ug Midsalip MPS sa Purok 2, Deporehan, Bayog ,Zamboanga del Sur, niadtong nakalabay nga adlaw.
Naila ang suspetsado nga si Elino, 70 anyos, ug residente sa Barangay Balonai, Midsalip,Zamboanga del Sur. Gihimo ang pagdakop pinasikad sa warrant of arrest gumikan sa kasong Attempted Murder, nga gi-isyu sa Presiding Judge, RTC Branch 30, Ninth Judicial Region, Aurora, Zamboanga del Sur, pinetsahan kaniadtong Nobyembre 25, 2025.
Gitugutan ang dinakpan sa korte nga makapyansa ug ₱120,000 alang sa iyang temporaryong kagawasan. Ang akusado sa karon nakakustudiya na sa Bayog Municipal Police Station alang sa dokumentasyon ug gikatakda nga i-turn-over sa Midsalip Municipal Police Station alang sa tukmang lakang.
source: PD ZSPPO, PRO 9
