𝐋𝐀𝐁𝐎𝐑𝐄𝐑 𝐒𝐀 𝐂𝐀𝐓𝐄𝐄𝐋, 𝐒𝐈𝐊𝐎𝐏 𝐒𝐀 𝐊𝐀𝐒𝐎𝐍𝐆 𝐏𝐀𝐆𝐏𝐀𝐘𝐔𝐇𝐎𝐓 𝐎𝐆 𝐈𝐋𝐋𝐄𝐆𝐀𝐋 𝐍𝐆𝐀 𝐃𝐑𝐎𝐆𝐀

Balhog sa karsel ang usa ka lalaki human nasikop sa gikasang buy-bust operation pinaagi sa pwersa sa mga personahe sa Cateel Municipal Police Station, kuaban ang mga sakop sa 1103rd RMFB 11, PIU-DOPPO ug sa koordinasyon PDEA Region XI, pasado alas 3:30 sa hapon niadtong Agosto 20, 2025 didto sa Purok Talisay 2, Barangay Poblacion, Cateel, Davao Oriental.

Giila ang suspek nga si alyas “ian”, 31 anyos, usa ka laborer ug residente sa Purok Magupay 1, Barangay Poblacion, Cateel sa nasampit nga probinsya.

Nakuha gikan sa suspetsado ang duha ka heat sealed plastic sachet nga adunay sulod sa gituohang shabu nga gibana banaang mutimbang sa 0.3 gramos ug adunay Standrad Drug Price nga PHP 3,000.00. Nasakmit usab ang PHP 500 nga buy-bust money, usa ka PHP 200 nga papel nga kwarta, pito ka PHP 100 pesos, tulo PHP 50 pesos, usa ka mobile phone kolor itom, usa ka lighter ug usa ka ka pack sa sigarilyo.

Sa karun anaa na sa kustodiya sa Cateel Municipal Police Station ang dinakapan alang sa tukmang disposisyon ug mag-atubang sa kasong paglapas sa RA 9165 kun Comprehensive Dangerous Drugs Act of 2002.

via: Cateel MPS