Nasikop sa mga awtoridad ang usa ka 53-anyos nga babaye sa gipahigayon nga joint police operation sa Purok 18, Palao, Iligan City, pinaagi sa Tracker Team sa Iigan City Police Station 4 nga gipangulohan ni PCPT Michaelangelo C. Roldan, OIC-ICPS -4 ,kauban ang Iligan City Moblie Force Company , ubos sa superbisyon ni PMAJ. Mark Kenneth S. Salvacion ug ang Highway Patrol Group Iligan nga gipangulohan ni PCPT. Pining.
Subay sa report ang suspetsado residente sa Zone 3, Noria, Palao, Iligan City, kinsa wanted sa kasong Estafa, nga adunay girekomendang piyansa ang korte nga mobalor ug P6,000.00 .
Gisikop ang suspek pinasikad sa warrant of arrest nga gipagawas ni Acting Presiding Judge Orlando C. Gallardo sa MTCC Branch 2, Iligan City, niadtong Pebrero 17, 2009.
Nunot niini gisiguro sa kapulisan nga magpadayon sila sa ilang paningkamot sa pagdakop sa tanang wanted person isip kabahin sa ilang kampanya alang sa hustisya ug kaluwasan sa komunidad.
via:icpo
