Nadakpan sa kapulisan ang Top 2 Most Wanted Person sa probinsya sa Surigao del Sur atol sa operasyon nga gihimo sa Barobo Municipal Police Station (MPS) alas 7:00 sa buntag, karong adlawa, Agosto 19, 2025 sa Purok 5A, Barangay Camp Bagang, Barobo, Surigao del Sur.
Gipangulohan ang operasyon ni PMAJ RALPH ALEXIS O. AVENIDO, ACOP, diin nasikop ang suspetsado nga giilang si alyas “Titing”, 70 anyos, minyo ug lumulupyo sa maong lugar ug giilang Top 2 most wanted person.
Si alyas “Titing” giisyuhan og Warrant of Arrest alang sa kaso sa Qualified Rape batok sa usa ka menor de edad. Ang mando sa pagdakop giisyu sa RTC Branch 28, Lianga, Surigao del Sur niadtong Agosto 4, 2025, nga walay girekomendar nga piyansa.
Ang dinakpan, anaa na sa kustodiya sa Barobo MPS alang sa tukmang disposisyon.
source: BAROBO MPS
