Gilauman nga molapas sa P19 trilyon sa sunod tuig ang outstanding debt sa nasudnong kagamhanan, base sa Budget of Expenditures and Sources of Financing para sa fiscal year 2026.
Ang datus sa Department of Budget and Management (DBM) nagpakita nga ang utang sa katapusan sa 2026 nakita nga misaka og 9.8 porsyento ngadto sa P19.06 trilyon gikan sa P17.36 trilyon karong tuiga.
Ang gipaabot nga utang sa gobyerno naglakip sa P13.3 trilyon gikan sa domestic accounts ug P5.8 trilyon gikan sa external borrowings, nga nagpakita sa dakong pagsalig sa lokal ug langyaw nga financing aron matubag ang mga kinahanglanon sa panalapi.
Ang pinakaulahing datos gikan sa Bureau of the Treasury nagpakita nga ang outstanding debt sa nasudnong kagamhanan misaka ug 2.1 porsyento ngadto sa taas nga record nga P17.27 trilyon sa katapusan sa Hunyo gikan sa P16.92 trilyon sa katapusan sa Mayo.
Ang kinatibuk-ang utang mokabat sa 99.5 porsyento na sa kinatibuk-ang gipaabot nga utang karong tuiga.
Si DBM Assistant Secretary Romeo Balanquit niingon nga ang debt-to-gross domestic product (GDP) ratio mosaka ngadto sa 60.3 porsyento sulod sa tulo ka tuig. Dugang niini, ang debt-to-GDP ratio karong tuiga mohusay sa 61.3 porsyento ug mosaka ngadto sa 61.8 porsyento sa 2026.
Ang ratio nakita nga nag-uswag sa 61.3 porsyento sa 2027 ug 60.3 sa 2028. Ang nominal GDP sa nasud alang sa sunod tuig gibanabana nga moabot sa P30.85 trilyon gikan sa P28.35 trilyon karong tuiga. Kini nagrepresentar sa bili sa tanan nga katapusan nga mga butang nga walay pag-adjust sa inflation.
Sa mga tinubdan sa financing, ang gross external borrowings gipaabot nga mosaka ug kapin sa P130 bilyones, nga moabot sa P627.1 bilyones sa sunod tuig.
Sa laing bahin, ang gross domestic borrowings gilauman nga mous-os sa dul-an sa tulo ka porsyento, ngadto sa P2.05 trilyon gikan sa P2.11 trilyon karong tuiga, sumala sa government financing projections.
Samtang, anaa sa P4.98 trilyon ang gipaabot nga revenue program sa sunod tuig. Apil na niini ang mga kita gikan sa buhis, non-tax ug privatization nga kita sa gobyerno, nga gipaabot nga mosaka ngadto sa P5.37 trilyon sa 2027.
Ang mga kita sa buhis alang sa 2026 gibanabana nga mosaka sa P4.6 trilyon, ug nagrepresentar sa 9.3 porsyento nga pagtaas gikan sa P4.21 trilyon nga giplanohang kita karong tuiga.
Source: Marco Luis Beech
Photo credits:ar.inspiredpencil.com
