Nasikop sa hiniusang personahe sa Cotabato Police Provincial Office (CPPO) ang Top 10 Regional level Most Wanted Person sa Purok 6, Brgy. Kanibong, Tulunan, Cotabato niadtong Agosto 12, 2025. Giila ang suspek nga si alyas “Ric”, ulitawo, ug residente sa Purok 8, Brgy. Poblacion, Tulunan, Cotabato.
Pinaagi sa warrant of arrest nga giisyu ni Hon. Presiding Judge Jose Tanalgo Tabosares sa RTC Branch 23, Twelve Judicial Region, Kidapawan City tungod sa krimen nga murder o pagpatay sa (RPC art. 248) nga adunay CC No. CR-KID-9021-2025.
Ang suspetsado anaa na sa kustodiya sa Tulunan Municipal Police Station samtang nagpaabot sa Commitment Order gikan sa Korte.
Kini nga malampuson nga pagdakop sa usa sa Top 10 Most Wanted Persons sa probinsya nagpadayag sa taas nga lebel sa synergy ug dedikasyon sulod sa mga law enforcement personnel.
source: PRO12 TULUNAN MPS
