𝗩𝗜𝗖𝗘 𝗚𝗔𝗡𝗗𝗔,𝗚𝗨𝗦𝗧𝗢𝗡𝗚 𝗜𝗗𝗘𝗞𝗟𝗔𝗥𝗔 𝗡𝗚𝗔 𝗣𝗘𝗥𝗦𝗢𝗡𝗔 𝗡𝗢𝗡 𝗚𝗥𝗔𝗧𝗔 𝗦𝗔 𝗗𝗔𝗩𝗔𝗢 𝗛𝗨𝗠𝗔𝗡 𝗦𝗔 𝗣𝗔𝗥𝗢𝗗𝗬 𝗦𝗔 𝗙𝗣𝗥𝗥𝗗 𝗦𝗔 𝗨𝗦𝗔 𝗞𝗔 𝗖𝗢𝗡𝗖𝗘𝗥𝗧

Gikondena sa ubang netizens si Vice Ganda human sa usa ka parody segment sa unang gabii sa iyang concert, nga daw nagtumong kang kanhi Presidente Rodrigo Duterte.

Ang bahin naglakip sa paghisgot sa “Jet Ski promise,” DDS o Diehard Duterte Supporters, ug usa ka impersonation sa kanhi presidente nga nakalingaw sa pipila ka tumatan-aw.

Niani kini og pagsaway sa pipila, apil na ang usa ka Facebook user nga nanawagan sa kagamhanan sa dakbayan sa Davao nga ideklarar nga persona non grata si Vice Ganda, tungod sa giingong kakuwang sa respeto.

Matod sa pipila ka Dabawenyo, walay daotan sa humor pero kinahanglan nga adunay limitasyon ug dili “below the belt.”

Namatikdan usab sa mga netizen ang pag-us-os sa followers ni Vice Ganda gikan sa 20 million ngadto sa 19 million.

Samtang gidepensahan ni Akbayan party-list Representative Perci Cendaña ang komedyante ug gidayeg ang iyang baruganan.