PAGADIAN CITY- Upat ka pakete sa drugang shabu ang nabawi sa kapulisan gikan sa usa ka drug surrenderee nga nadakpan sa gikasa nga drug buy-bust operation sa Purok 2 Makugihon, Barangay Anonang, Zamboanga del Sur, niadtong nakalabay nga adlaw, Agosto 11, 2025.
Gihimo ang operasyon pinaagi sa joint operatives sa ZSPDEU, ZSPIU, 902nd RMFB9, Aurora Municipal Police Station kaabag ang PDEA- 9 nga miresulta sa pagkasikop ni alyas” Peter Paul “,24 anyos.
Nalakip sa nakumpiska ang usa ka P500 bill nga nagsilbing buy-bust money, ug usa ka gagmay’ng kahon nga giputos ug electrical tape nga gigamit isip sudlanan.
Ang mga nakuha nga druga gisubmitar ngadto sa Zamboanga del Sur Provincial Forensic Unit, Camp Abelon, Pagadian City, alang sa laboratory examination.
Samtang ang dinakpan nga suspetsado nakakustudiya na sa Aurora Municipal Police Station ug gikatakdang mag-atubang sa kaso may kalabutan sa RA 9165 kun Comprehensive Dangerous Drugs Act of 2002.
via: PD ZSPPO, PRO 9
