ILIGAN CITY- Patay nang nakaplagan ang usa ka lalaki, 44 anyos human nga nalumos samtang nangaligo sa dagat sa Purok 7, Zone 2, Maria Cristina sakop sa dakbayan sa Iligan alas 3:30 sa hapon Agusto 11, 2025.
Migawas sa imbistigasyon sa Police Station 2 nga adunay tawag nga gipadangat ilang buhatan ug usa ka concern citizen nga ginganlan og Dionesio Cabalquinto nga lumolopyo ra usab sa maong dapit kung asa iyang nadungog nga adunay nagsinggit og tabang alas 9:00 sa buntag sa susamang adlaw ug nangita siya og kauban aron ma respondihan ang maong tawo nga nangayu og tabang apan paghidangat sa dapit wala silay nakit-an.
Alas 3:00 sa hapon sa maong adlaw usa ka bamboo stick ang ilang nasipalatan kung asa kanhing nahimutangan sa biktima ug sa ilang pagsusi ilang nakaplagan ang biktima nga wala nay kinabuhi.
Nunot sa insidenti dali usab nga naabot ang mga personahi sa Disaster Risk Reduction and Manangement Office (DRRMO) apan dili na kini matabang hinungdan nga dali kining gidala sa Capin Funeral Homes alang sa saktong diposasyon.
Photo for illustration credits:incedogroup.com
