DIPOLOG CITY- Balhog na sa prisuhan ang usa ka lalaki kinsa giilang Top 2 Most Wanted Municipal Level human kining nasikop sa mga otoridad pinaagi sa gilusad nga law enforcement operation sa Barangay Goleo, Sindangan, Zamboanga del Norte niadtong Agosto 10, 2025.
Giila ang suspetsado nga si Renato Vidal Mandado Jr., 50 anyos, minyo, usa ka mag-uuma ug residente sa Barangay Lagag sa susamang lungsod.
Gisikop ang maong suspetsado pinasikad sa warrant of arrest sa kasong Rape ug Forcible Abduction with Rape nga gipagula sa Family Court, 9th Judicial Region, Branch 05, Sindangan, pinetsahan ug Hulyo 23,2025.
Walay girekomendar nga pyansa ang korte alang na sa duha ka mga kaso. Samtang ang dinakpan ang anaa sa kustudiya sa Sindangan Municipal Police Station alang sa tukmang disposisyon.
photo for illustration credits to:atxbb.com
