DIPOLOG CITY- Tagak sa kamot sa mga otoridad ang usa ka lalaki kinsa wanted sa kasong Rape ug Lascivious Conduct pinaagi sa gipahigayong joint law enforcement operation niadtong Agosto 10 ning tuiga sa Barangay Moñuz, Siayan, Zamboanga del Norte.
Giila ang nasikop nga si Rolando Manzon Ligao alyas Lando, 58 anyos, minyo ug residente sa Purok 8, Barangay Picanan, Kumalarang, Zamboanga del Sur ug giilang Regional Level Most Wanted Person.
Gisikop ang suspetsado pinasikad sa warrant of arrest sa kasong Rape by Carnal Knowledge ug five counts of Lascivious Conduct under Section 5(b) of R.A. 7610 nga gi-issue ni Presiding Judge Jaime Caberte sa Regional Trial Court, Fourth Judicial Region, Branch 22, Pagadian City pinetsahan ug Huyo 15, 2021 nga walay pyansa nga girekomendar.
Ang dinakpan ang kasamtangang paslak sa selda sa Siayan Municipal Police Station.
