SURIGAO CITY- Gibisita ni Chief PNP PGEN NICOLAS D TORRE III ang Surigao del Norte-Police Provincial Office, Kagahapon, Agosto 10, 2025 (Domingo).
Sa iyang pag-abot sa Surigao City Airport, mainitong gitagbo ni PBGEN MARIANO P. MAGISTRADO IV, Regional Director sa PRO13, kauban si PCOL WARREN E DABLO, Provincial Director sa SDNPPO.
Gikan didto, ang PNP Chief, mipaingon dayon sa lungsod sa Mainit, Surigao del Norte aron duawon ang haya ni Patrolman Ferry Sida Jaso kinsa namatay sa engkwentro atol sa gihimong police operation.
Gipadayag ang simpatiya sa namatyan nga pamilya og mapasalamaton kini sa serbisyo ug dedikasyon sa PNP-CIDG personnel sa pagbuhis sa kinabuhi sa ngalan sa serbisyo sa Philippine National Police.
Giadtoan ang Surigao del Norte Police Provincial Office, diin gisugat kini og Arrival of Honor sa mga tag-as nga opisyal sa Police Regional Office 13 ug mga personahe sa kapolisan sa Surigao del Norte.
Usa sa mga highlight sa pagbisita mao ang pag-turnover sa duha ka gidonar nga Police Patrol vehicles ngadto sa Surigao City Police Station, gikan sa LGU-Surigao City.
Sa iyang mensahe, si PGEN TORRE III mipadayag sa iyang dakong pasalamat ngadto sa PNP CARAGA sa mainitong pagdawat ug sa pagsiguro sa seguridad sa una niyang pagbisita sa probinsiya.
