DIPOLOG CITY-Napalgang wala nay kinabuhi ang usa ka 86-anyos nga si Acojedo, lumulupyo sa Barangay Cogon, Dipolog City, kinsa gituohang naanod sa suba sa Barangay Silawe, lungsod sa Polanco, probinsya sa Zamboanga del Norte.
Sa post sa social media account sa barangay, napalgan ang biktima mga alas 7:00 sa buntag, Agosto 10, 2025.
Sa pakighinabi sa Juander Radyo Dipolog, gikumpirma sa Polanco MPS nga didto kini nakita sulod sa ilang area of responsibility ang maong senior citizen.
Sa paghimo ning maong balita, nasayran nga gidala na kini sa Municipal Rural Health Unit sa Polanco samtang gipaabot ang mag-claim niini.
Wala pay pahayag ang Polanco MPS kon unsa ang posibleng hinungdan sa pagkamatay sa senior citizen.
Photo credits:insauga.com
