DIPOLOG CITY- Gipahigayon sa Civil Service Commission (CSC) ang Civil Service Examination, Agosto 10, 2025, sa Zamboanga del Norte National High School nga nahimutang sa General Luna Street, Estaka, Dipolog City. Gitambongan kini sa daghang aplikante nga gustong mosulod sa serbisyo publiko pinaagi sa pag-angkon og eligibility.
Sumala pa ni Jose Larry Padilla, Chief Examiner sa CSC, adunay tulo ka testing sites nga gigamit alang sa maong eksaminasyon aron masiguro nga hapsay ug organisado ang pagpatuman niini. Sa Zamboanga del Norte National High School, 1,183 sa 1,250 ka narehistrong aplikante ang mitake sa exam.
Base sa opisyal nga guidelines sa CSC, ang eksaminasyon naglangkob sa Professional ug Sub-Professional levels.
Samtang gilauman nga ipagawas sa CSC ang opisyal nga resulta sa mosunod nga mga bulan. Giawhag usab ang tanang examinee nga maghulat sa opisyal nga pahibalo pinaagi sa website ug social media accounts sa CSC aron makakuha og tinuod nga impormasyon.
