ILIGAN CITY- Patay ang usa ka magtutudlo homan gipusil sa iyang kaugalingon nga tinun-an sulod mismo sa School Campus sa Balabagan Trade School, Barangay Narra, Balabagan, Lanao del Sur.
Giila ang bektima nga si Danilo Barba, 34 anyos, usa ka magtutudlo sa maong tulunghaan samtang ang suspetsado mao si alyas Didoy, 20 anyos nga Grade 11 student.
Migawas sa report nga gibagsak sa magtutudlo ang maong studante tungod wala kini naka comply sa gipangayo nga requirements hinungdan sa maong krimin.
Gisaysay usab ni PCol. Caesar Cabuhat, Provincial Director sa Lanao del Sur Police, nga mitug-an mismo ang suspetsado sa krimen nga iyang nabuhat tungod matod pa sa iyang kapungot.
Sa dugang imbestigasyon nasayran nga pasado alas 8:00 sa buntag niadtong higayona, sa duhang paingon ang biktima sa Campus dihang kalit kining gihulga sa suspek ug walay duha-duha kining gipusil gamit ang calibre 45.
Nunot sa panghitabo mitago gilayon ang suspek sa iyang parente nga nahimutang sa Marogon apan nasikop usab kini sa mga kapulisan uban sa tabang sa igsoon sa maong suspetsado.
photo credits:bsd news
