PAGADIAN CITY -Nadakpan sa kapulisan ang usa ka mananagat human makuhaan ug gituohang illegal nga druga atol sa gilusad nga drug buy-bust operation sa may Purok Muslim Village, Barangay Kawit, Pagadian City, kagabie, Agosto 5, 2025.
Gikasa ang operasyon sa pagpanguna sa Regional Drug Enforcement Unit 9 (RDEU9), Regional Intelligence Division 9 (RID9), ug Pagadian City Police Station (CPS) nga miresulta sa pagkasikop ni alyas “Peping”, 32 anyos.
Nabawi sa operatiba gikan sa drug suspect ang usa ka dakong pakete sa gituohang druga, usa ka Android mobile phone, usa ka β±1,000 bill, ug siyam ka β±1,000 bills nga gigamit isip buy-bust money.
Ang nakuha nga mga drug evidence gisubmitar sa Zamboanga del Sur Provincial Forensic Unit Camp Abelon alang sa laboratory examination.
Nakakustudiya na ang dinakpan sa Pagadian City Police Station ug gikatakdang pasakaan ug kaso may kalabutan sa Comprehensive Dangerous Drugs Act of 2002 (RA 9165).
photo credits: Pagadian City Police Station
