PAGADIAN CITY -Nadakpan sa kapulisan ang usa ka 42 anyos nga lalaki sa gikasa nga drug buy bust operation sa Kumalarang Municipal Police Station sa may Purok Malig, Barangay Poblacion, Kumalarang, Zamboanga del Sur, Agosto 6, 2025.
Ang suspetsado giila sa alyas nga “David”, caretaker sa usa ka fishpond, residente sa Barangay Secade sakop sa nahisgutang lugar.
Nakuha gikan sa dinakpan ang duha ka pakete sa gituohang shabu, usa ka P500 bill nga nagsilbing buy-bust money, ug usa ka black Honor 6xb cellphone.
Ang nakuhang mga drug evidence gisubmitar ngadto sa Zamboanga del Sur Provincial Forensic Unit, Pagadian City, alang examination.
Samtang ang dinakpan nakakustudiya na sa Kumalarang Municipal Police Station ug gi-andam na ang kasong paglapas sa RA 9165 kun Comprehensive Dangerous Drugs Act of 2002.
Photo credits: ZSPPO
