DIGOS CITY-Gidakop sa kapulisan ang usa sa Top 10 Most Wanted Person sa lungsod sa Bansalan atol sa usa ka coordinated police operation niadtong nakalabay nga adlaw.
Ang operasyon gipangulohan ni PMAJ DARRYL FRANCIS N RAMOS, hepe sa Bansalan Municipal Police Station, uban sa kaabag nga pwersa sa 1st ug 2nd Davao del Sur Provincial Mobile Force Company, 1104th Regional Mobile Force Battalion 11, ug Provincial Intelligence Unit sa DSPPO.
Nadakpan ang suspetsadong si alias “Jonathan”, 28 anyos, residente sa Purok 4-B, Barangay Mabuhay, Bansalan, nga giatubang karon sa kasong paglapas sa Republic Act 9165 o Comprehensive Dangerous Drugs Act of 2002, ilawom sa Sections 5 ug 11.
Ang warrant of arrest batok sa suspek gipagula ni Hon. Alexander Balingit Yarra, Presiding Judge sa RTC Branch 21, Bansalan, niadtong Marso 7 ning tuiga, uban sa rekomendadong piyansa nga tag P10,000 matag kaso.
Human madakpan, gipahibalo sa mga otoridad ang katungod sa suspek ubos sa Miranda Doctrine ug kasamtangang ana na kini sa kustodiya sa Bansalan PNP alang sa legal nga disposisyon.
via:Bansalan PNP
