Moabot sa 6,567 ka mga mag-uuma sa bugas sa probinsiya sa Catanduanes ang makadawat og P7,000 matag usa gikan sa Rice Farmers Financial Assistance (RFFA) sa Department of Agriculture.
Base sa datus sa ahensya, moabot sa P45.97 milyones ang ilang kinatibuk-ang gipanghatag nga pundo.
Kabahin kini sa 142,600 ka target nga benepisyaryo sa tibuok Bicol Region, diin 92% (131,073 ka mag-uuma) ang nahatag na, nga adunay kinatibuk-ang P917.5 milyones.
Nasayran nga ang RFFA alang sa mga mag-uuma nga aduna nay cash card ug gipundohan gikan sa taripa sa imported nga bugas ubos sa Rice Competitiveness Enhancement Fund (RCEF).
Usa ka bag-ong cash card ang gipang-apod-apod usab sa dugang nga mga benepisyaryo karong tuiga.
Ang DA nagpadayon sa paghatag ug uban pang serbisyo ug programa sa tanang mag-uuma sa nasud.
SOURCE: Victor Llantino
photo credits:thepinoyofw.com
