PAGADIAN CITY- 81 porsyento na ang nahuman sa pagtrabaho sa National Irrigation Administration (NIA) Region 9 alang sa rekonstruksyon sa Mahayag Dam, sa Mahayag Zamboanga del Sur.
Matud ni NIA 9 Regional Manager Engr. June Nathaniel S. Plaza, positibo siya nga mahuman ang Mahayag Dam sunod bulan, apan lauman nga mag fully operational kini sa bulan sa Octubre.
Gisaysay ni Engr.Plaza ang mahimong matubigan niini anaa sa 8 mil ka mga ektaryang luna nga mapahimuslan sa sobra 5 mil ka mga mag-uuma.
Dugang pa, ang Mahayag Dam mao ang pinakaunang mass concrete dam nga adunay walo ka agianan sa tubig nga nahimo Zamboanga Peninsula Region.
Una nang giingon ni RM Plaza nga mahimong matubigan sa dam anaa sa 8 mil ka mga ektaryang luna nga mapahimuslan sa sobra 5 mil ka mga mag-uuma.
Mapasalamaton sab si RM Plaza ngadto sa Office of Civil Defense (OCD) gumikan sa paggahin ug P450,000,000.00 nga pondo aron matrabaho ang Mahayag Dam.
Ning bag-uhay lang, mibisita matud pa ang mga personahe sa NDRRM aron susihon ang maong proyekto nga ilang gipondohan ug dakong kantidad.
Via:National Irrigation Administration (NIA) Region 9
