Dako matud pa ang kalipay sa usa ka lalaki nga adunay muscular dystrophy gikan sa nasud South Korea human nakatapos sa master’s degree pinaagi sa pagpamilok lamang sa iyang mga mata.
Giila ang maong lalaki nga si Jang Ik Sun, usa ka 37-anyos nga estudyante, naparalisar sa iyang sakit, apan wala kini makapugong kaniya sa pagpadayon sa iyang pangandoy nga makagradwar. Gigamit matud pa niya ang mouse nga nagsubay sa mata sa pagsulat ug pag-type sa iyang kompyuter. Alang sa mga libro nga wala sa format nga e-book, naggamit siya ug usa ka scanner aron ma-digitize kini.
Niadtong Pebrero lamang ning tuiga 2025, migraduwar siya og master’s degree sa Social Welfare gikan sa Gwangju University ug nakadawat og academic award isip pag-ila sa iyang kakugi ug dedikasyon.
Na-motivate usab ang mga netizens nga midayeg kaniya nga dili matud pa babag ang kakulangon sa panlawas basta aduna matud pay kakugi ug determinasyon nga kab-oton ang mga damgo alang sa kaugmaon.
