Gikaon sa usa ka iro sa Pittsburgh, USA ang mokabat $4,000 (katumbas sa P222,000) nga kuwarta. Sa pakighinabi nila Clayton ug Carrie Law, nahitabo ang insidente sa dihang giayo nila ang koral sa ilang balay.
Ang mga nagtukod og koral mihangyo nga bayran sila og cash mao nga ang magtiayon nag-andam og sobre nga adunay sulod nga $4,000.
Kadiyot nga gibilin ni Clayton ang sobre sa kusina apan sa iyang pagbalik paglabay sa 30 minutos, iyang nakit-an ang ilang 7 anyos nga goldendoodle nga si Cecil, nga gikaon ang kuwarta.
Gipunit sa magtiayon ang mga gisi nga kwarta og gitipigan ang mga aduna pay serial number. Pagkagabii, gisuka ni Cecil ang kwarta nga iyang gikaon.
Human sa duha ka adlaw, nakuha nila ang $3,550 nga kantidad sa kuwarta gikan sa suka ug hugaw ni Cecil. Diin gipabayloan dayon nila kini sa bangko.
photo credits:philstarlife.com
