NABUNTURAN- Nadakpan sa kapulisan sa New Bataan Municipal Police Station (MPS) ang duha ka indibidwal atol sa gipahigayon nga buy-bust operation sa Purok 4, Upper Magangit, New Bataan, Davao de Oro niadtong Hulyo 31, 2025 sa gabii.
Giila ang mga suspetsado nga sila alyas “Jushua”, 22 anyos, single, walay trabaho, ug residente sa Purok 5, Upper Magangit, ug alyas “Wendel”, 21 anyos, single, walay trabaho, ug residente sa Purok 2, Barangay Kao, Nabunturan.
Nakumpiska Sa operasyon, sa mga otoridad ang mosunod nga ebidensya: Tulo (3) ka sachet nga gituohang adunay sulod nga shabu; Usa (1) ka blue lighter; Usa (1) ka cigarette pack; Ug marked money nga gigamit sa operasyon.
Ang mga suspetsado karon anaa na sa kustodiya sa New Bataan MPS ug mag-atubang og kasong paglapas sa Republic Act 9165 o ang Comprehensive Dangerous Drugs Act of 2002.
Source: NEW BATAAN MPS
