ILIGAN CITY- Tingkagol na sa prisohan ang usa ka lalaki, 26 anyos ug residente sa Prk 16, Tomas Cabili, sakop sa dakbayan sa Iligan nga wanted sa kasong pagpangawat, atol sa gihimong operasyon sa mga operatiba sa Iligan City Police Station 2 (ICPS2) sa Purok 1 Sitio Nunocan, Maria Cristina Iligan City pasado alas 12:26 sa kadlawon niadtong nakalabay nga adlaw.
Atubangon sa dinakpan ang kasong pagsupak sa R.A 10344 kasong pagpangawat, gi-isyu ni Presiding Judge HON. ARASSAD MACARAMPAT MACUMBAL, Regional Trial Court, 10th Judicial Region, Branch 2, Iligan City, pinitsahan niadtong Hulyo 18, 2025 samtang adunay girekomendar nga pyansa nga mokabat sa 50,000 ka pesos alang sa iyang temporaryong kagawasan.
Samtang ang suspetsado gi-turn over na sa BJMP Tipanoy alang sa tukmang disposasyon.
Source: Iligan City Police Station 2
