IPIL- Gipasiugda sa 102nd Infantry Brigade ang usa ka kusog ug mapuslanong kalihukan nga nagtigom sa mga opisyal sa militar ug media personalities aron mas mapalig-on ang ilang kooperasyon sa kasamtangang mga isyu sa seguridad ug komunikasyon.
Gipresentar ni LTC Jimlah ang mga key personnel sa brigade ug mga partisipante gikan sa linya nga yunit, ingon man ang mga media personalities nga maoy aktibong kabahin sa maong panagtigom.
Miduyog usab si Ms. Noemi B. Edaga, Regional Director sa PIA-IX,kinsa nahimong guest speaker kung asa nagpahayag sa iyang suporta sa natad sa komunikasyon.
Gipasiugda usab ang mensahe ni BGEN Randolph P. Rojas PA, Commander sa 102nd Brigade, sa kabililhon sa panaghiusa ug mipasiugda sa papel sa kolaborasyon tali sa media ug kasundalohan isip pundasyon sa kalinaw ug kasaligan nga impormasyon.
Gipadayon ang kalihukan sa usa ka Open Forum diin ang mga partisipante mipaambit sa ilang mga ideya, pangutana, ug suhestiyon, nga misangpot sa usa ka mas lawom nga pagsabot sa papel sa matag sektor sa pagtabang sa nasud.
Kini nga kalihukan mipakita sa lig-on nga tinguha sa 102nd Brigade sa pagpadayon sa mga inisyatibo nga naghiusa sa mga pwersa sa seguridad ug media alang sa mas lapad nga serbisyo sa katawhan.
