ILIGAN CITY- Posible nga madugta sa prisohan ang usa ka suspek sa kasong pagpatay kini homan nasikop sa mga operatiba atol sa gikasang operasyon sa IBJT Compound Tambo, Barangay Hinaplanon sakop sa syudad sa Iligan pasado alas as 9:51 sa buntag niadtong nakalabay nga adlaw.
Giila ang suspek nga lalaki, 42 anyos, ug residente sa susamang lugar. Nasikop ang nahisgotan pinaagi sa hiniusang pwersa sa Iligan City Police Station 1 (ICPS1) ilalom sa pagdumala ni PMAJ RODULFO B ARAÑADOR JR, OFFICER IN CHARGE, kauban sa koordinasyon sa Iligan City Police Station 6 (ICPS6) nga pormal nga nagserbisyu og warrant of arrest.
Atubangon sa dinakpan ang kasong pagsupak sa R.A 7659 (MURDER) nga gi-isyu ni Judge VALERIO M. SALAZAR sa Regional Trial Court, Branch 6, 10th Judicial Region, Iligan City, Lanao del Norte ug adunay petsa nga Hulyo 28, 2004 ug walay pyansa nga girekomenda ang korte ug posible kini nga mag serbisyu sa iyang sala nga nahimo hangtod sa kamatayon.
Sa pagkakaron padayun pang naka kustodiya sa Iligan City Police station 1 ang ning syudad ang dinakpan samtang gihikay ang mga papeles aron ibalik sa nag-isyu nga korte.
Source:Iligan City Police station 1
