PAGADIAN CITY- Arestado sa kapulisan ang usa ka Top 7 Most Wanted Person Provincial Level sa gikasang manhunt operation sa Mahayag Municipal Police Station, sa Brgy. Sta. Cruz, Mahayag, Zamboanga del Sur, kagahapong adlawa.
Ang suspetsado naila sa alyas nga Aldo, 31 anyos, gidakop pinasikad sa Warrant of Arrest gumikan sa kasong Qualified Statutory Rape dinukitan sa Art. 266-A (1) may kalabutan sa Art. 266-B sa Revised Penal Code.
Ang arrest warrant gi-isyu sa Acting Presiding Judge of RTC Branch 23, Ninth Judicial Region, Molave, Zamboanga del Sur, nga gi-isyu kaniadtong Hulyo 18, 2021 nga walay pyansa nga girekomendar bugti sa iyang temporaryong kagawasan.
Ang akusado sa pagkakaron nakakustudiya na sa Mahayag Municipal Police Station alang sa tukmang lakang.
Source: ZSPPO, PRO 9
