TAGUM CITY- Gisikop sa mga sakop sa Panabo City Police Station Davao del Norte, ug DENR-CENRO Panabo, pinaagi sa usa ka buy-bust o entrapment operation sa Brgy. New Pandan, sa giingong lungsod, ug probinsiya nga ming-resulta sa pagdakop kang alyas “Jaymark” 25 anyos, single, Tattoo Artist, ug residente sa Blk. 16, Lot 18 David St., South Villa Heights, Catalunan Grande, Davao City, Davao del Sur, niadtong nakalabay nga adlaw tungod sa paglapas sa Sec. 27 sa R.A. 9147 may kalambigitan sa R.A. 10175.
Nakuha gikan sa suspek ang usa (1) ka transparent nga kahon nga adunay usa (1) ka buhi nga Ball Philippine Pit Viper Snake nga kolor berde, nga mibalor ug ₱2,000 pesos; usa (1) ka tinuod nga ₱500 peso bill isip marked money, duha (2) ka peke nga lima ka ₱500 peso bill ug usa (1) ka cellphone, nga mibalor ug ₱12,000 pesos.
Anaa na karun ang Ball Philippine Pit Viper Snake sa kustodiya sa DENR-CENRO Panabo ug ang suspek naka kustodiya na sa Panabo City Police Station Custodial Facility alang sa tukmang disposisyon.
