PAGADIAN CITY- Pormal na nga giturn-over sa Local Government Unit (LGU) San Pablo ngadto sa 53rd Infantry (MATAPAT) Battalion Philippine Army, ang mga loose firearms nga gisurender sa mga residente sa nagkadaiyang barangay atol sa Turnover Ceremony sa may Poblacion, San Pablo, Zamboanga del Sur, niadtong nakalabay nga adlaw.
Ang maong kalihokan resulta sa gipakusgang programa sa Small and Light Weapon (SALW) Program ubos sa Office of the Presidential Adviser on Peace, Reconciliation and Unity (OPAPRU).
Ang mga loose firearms natigum matud pa pinaagi sa pag-awhag sa mga Barangay opisyal ngadto sa mga civilian nga I surender ang gihuptan nga loose firearms, katabang ang mga religious leader, Moro leaders nga mibarog alang sa kalinaw sa dapit.
Anaa sa maong kalihukan si BGEN RANDOLPH P ROJAS PA, Commander sa 102nd Infantry (IGSOON) Brigade, 1st Infantry (TABAK) Division Philippine Army, LTC ROLANDO E VARGAS JR INF (GSC) PA, Commanding Officer sa 53rd Infantry (MATAPAT) Battalion, 1st Infantry (TABAK) Division, San Pablo Mayor Divine Neleh Taucan-Anghad.
Presentar usab sa kalihukan si PCPT Derfjay S. Maquinta, Chief of Police sa San Pablo, LCDR VINCENT BRYAN M MARCOS PCD, Station Commander sa Philippine Coast Guard Station Zamboanga del Sur, Ms. Christine Baruro, representing OPAPRU, ug mga SB members.
Katuyuan niini nga kalihukan aron hingpit nga mabawi ug makunhuran ang ihap sa mga loose firearms nga anaa sa pipila ka mga kamot sa mga indibidwal aron dili na magamit sa bisan unsang kremin.
Source: MATAPAT Battalion
