𝐋𝐀𝐋𝐀𝐊𝐈𝐍𝐆 𝐍𝐀𝐏𝐀𝐋𝐆𝐀𝐍 𝐍𝐆𝐀 𝐍𝐀𝐆-𝐔𝐓𝐀𝐖-𝐔𝐓𝐀𝐖 𝐒𝐀 𝐊𝐀𝐃𝐀𝐆𝐀𝐓𝐀𝐍, 𝐀𝐍𝐀𝐀 𝐍𝐀 𝐒𝐀 𝐋𝐔𝐖𝐀𝐒 𝐍𝐆𝐀 𝐊𝐀𝐇𝐈𝐌𝐓𝐀𝐍𝐆

PAGADIAN CITY- Naluwas sa usa ka grupo sa mga mananagat sa dakbayan sa Pagadian ang usa ka lalaking nag-utaw-utaw sakay sa iyang bangka sa kadagatang bahin sa San Pablo, Zamboanga del Sur.

Gisakay ang naluwas nga biktima sa usa ka fishing boat “Kylie Marie” ug gidunggo sa Pagadian City Fishport.

Dali usab nga miresponde ang mga City Disaster Risk Reduction and Management Office (CDRRMO) staff sa pagpanguna ni OIC-CDRRM RICHARD FABRIA kauban ang Philippines Coast Guard.

Ang biktima taga Kalamansig, Sultan Kudarat ug gikataho nga nabulag sa iyang mother boat ug nag-utaw-utaw sakay sa iyang bangka sulod sa pipila ka adlaw.

Gidala ang biktima sa mirespondeng personahe sa Infirmary Hospital Danlugan Pagadian City ug karon anaa na sa luwas nga kahimtang.

source: CDRRRMO PAGADIAN