𝟐 𝐊𝐀 𝐋𝐀𝐋𝐀𝐊𝐈 𝐃𝐀𝐊𝐏𝐀𝐍 𝐒𝐀 𝐈𝐋𝐄𝐆𝐀𝐋 𝐍𝐆𝐀 𝐏𝐀𝐆𝐏𝐀𝐍𝐆𝐈𝐒𝐃𝐀

IPIL- Nadakpan atol sa gihimong operasyon sa kapulisan batok sa illegal fishing (giilang “trawl”) ang Duha ka lalaking mangingisda sa Barangay Kaliantana, Naga, Zamboanga Sibugay niadtong nakalabay nga adlaw.

Ang maong operasyon gipangulohan ni PCPT BALTAZAR A. PUNDAL JR., Officer-in-Charge sa Naga Municipal Police Station kung asa nadakpan ang usa ka 27-anyos, lalaki, single, mangingisda, ug lumolupyo sa Purok Saturn, Barangay Bangkerohan nga matud pa nasakpan sa aktong pagpangisda gamit ang gi-dili nga trawl.

Nakumpiska gikan sa maong operasyon ang 1 ka motorized fishing boat COLOR GREEN,2 ka KAMA engine, 16hp gibanabana nagkantidad sa Php 80,000.00,1 ka ice chest nga adunay 20 kilos nga isda mobalor sa Php 700.00.

Nadakpan usab sa dugang operasyon ang lain pang 30-anyos, lalaki, single, mangingisda, lumolupyo sa susamang lugar kung asa nakumpiska gikan kaniya ang 1 ka motorized fishing boat,2 ka KAMA engines – 13hp ug 12hp nga gibanabanang kantidad sa Php 80,000.00,1 ka ice chest nga adunay 17 kilos nga isdan nagkantidad sa Php 400.00

Sa kasamtangan ang dinakpan anaa sa Naga MPS alang sa dugang lakang,samtang ang nakumpiska nga nga butang giturn-over sa Municipal Agriculture Office (MAO) ug sa Municipal Fisheries and Aquatic Resources (MFAR) alang sa tukmang disposisyon.

source:NAGA MPS