SURIGAO CITY- Nalumos-patay ang usa ka 15-anyos nga batang lalaki samtang naligo sa dagat sa Barangay Mabua pasado alas 4:00 sa hapon niadtong adlawng Sabado, Hulyo 26, 2025
Gi-ila ang biktima nga si alyas “Jhon” usa ka estudyante ug residente sa Purok-2, Sitio Tumanday, Barangay Rizal, Surigao City.
Base sa inisyal nga imbestigasyon, naligo ang batang biktima uban sa iyang mga higala sa dagat, apan dihang misugod na og dagko ang balod, naglisod na kini paghaw-as sa tubig. Nangayo matud pa ug tabang ang bata apan tungod sa kakusog sa mga balod naglisod sa pagtabang niini.
Sa pag responde sa Quick Action Response Team (QART) sa maong insidente ug gisulayan nga luwason ang biktima, wala na kini pulso. Gidali pa usab kini pagdala sa balay tambalanan apan gideklara na kini nga Dead on Arrival sa attending physician.
Photo: for illustration purposes
