𝟑𝟎 𝐀𝐍𝐘𝐎𝐒 𝐍𝐆𝐀 𝐋𝐀𝐋𝐀𝐊𝐈 𝐒𝐀 𝐌𝐀𝐓𝐈, 𝐒𝐈𝐊𝐎𝐏 𝐇𝐔𝐌𝐀𝐍 𝐍𝐀𝐊𝐔𝐇𝐀𝐀𝐍 𝐔𝐆 𝐈𝐋𝐋𝐄𝐆𝐀𝐋 𝐍𝐆𝐀 𝐃𝐑𝐎𝐆𝐀

MATI CITY- Nasikop sa mga otoridad ang usa ka lalaki sa gikasang buy bust operation didto sa Prk. Kadayawan, Madang, Brgy. Central, Mati City, Davao Oriental, pasado alas 7:32 sa gabii niadtong Hulyo 26, 2025.

Ang operasyon gihimo sa mga personahe sa Intel Operatives ug City Drug Enforcement Unit sa Mati City Police Station, kauban ang mga sakop sa Provincial Intelligence Unit ug Provincial Drug Enforcement Unit sa DOPPO ug sa pakigtimbayayong sa PDEA Davao Oriental Provincial Office 11 nga miresulta sa pagkasikop ni alyas “Tata”, 30 anyos, ulitawo, walay trabaho ug residente sa Purok Dalampasigan-1, Brgy. Central ning dakbayan.

Atol sa operasyon, nakumpiska gikan sa dinakpan ang 4 ka pakete sa gidudahang shabu nga gibana banaang mutimbang sa 1 gramos ug adunay standard drug price nga PhP6,8000. Lakip usab sa nasakmit ang ₱500 pesos nga buy-bust money, usa ka unit sa Itel keypad cellphone, usa ka Puanti belt bag kolor asul ug usa ka unit sa Motorstar nga motorsiklo kolor itom nga walay plate number.

Ang mga nasakmit nga ebidensya gimarkahan ug giimbentaryo dayun sa lugar sa nahitaboan uban sa mga testigo ug sa suspek mismo ingon man gipasabot sa iyang pagdakop ug sa pinulongan nga iyang nahibal-an.

Sa karun ang dinakpan anaa na sa kustodiya sa Mati City Police Station alang sa tukmang disposisyon ug mag atubang sa kasong paglapas sa Republic Act 9165 (Comprehensive Dangerous Drugs Act of 2002).

Source: Mati CPS