Munich Germany- usa ka talagsaong Christmas tree ang nahimong highlight sa hedkuwarter sa Pro Aurum, usa ka iladong tigbaligyag bulawan. Ang kahoy, gibanabana nga mobalor og $5.5 milyones, ginama sa bulawan nga mga sensilyo ug gidesinyo sa paghandum sa ika-35 nga anibersaryo sa kompanya.
Ang 10-foot nga kahoy gitukod sa kolaborasyon sa Austrian State Mint. Gigamit niini ang 2,024 ka piraso sa Vienna
Philharmonic nga bulawan nga mga sensilyo, usa sa labing inila nga commemorative nga mga sensilyo sa kalibutan. Imbes sa tradisyonal nga bituon, usa ka dako nga 24-karat nga bulawan nga sensilyo ang gibutang sa ibabaw niini.
Sumala sa Pro Aurum, ang katuyoan sa bulawan nga Christmas tree mao ang pagpakita sa walay katapusan nga kantidad sa bulawan, nga mahimong itandi sa “evergreen” nga kinaiya sa mga Christmas tree. Apan, sukwahi sa gipaabot sa mga interesadong bilyonaryo, ang Christmas tree dili ibaligya.
Ang titulo sa pinakamahal nga Christmas tree gipakita niadtong 2010 sa Emirates Palace Hotel sa Abu Dhabi, nga nagkantidad ug $11 milyones.
Ang maong 43-foot nga Christmas tree gidayandayanan og 181 ka piraso sa mahalong mga alahas ug giila sa Guinness Book of World Records isip βMost Expensive Christmas Tree.β
Source: globalnews
