Naggahin ang Department of Agriculture (DA) og dul-an tunga sa bilyon ka pesos nga agricultural inputs sama sa humay, mais, ug mga seeds sa utanon aron matabangan ang mga mag-uuma sa mga rehiyon nga naapektuhan sa Tropical Storm Crising nga nagpakusog sa Habagat.
Sa usa ka pamahayag, ang DA miingon nga kini naggahin ug P495.4 milyones nga farm inputs alang sa mga mag-uuma sa Rehiyon I, II, III, IV-A, IV-B ug VI.
Si Agriculture Undersecretary for Operations ug officer-in-charge Roger Navarro miingon nga ang dugang suporta, lakip na ang Quick Response Funds alang sa rehabilitasyon, Survival and Recovery Loans, ug indemnification pinaagi sa Philippine Crop Insurance Corporation (PCIC), “ihatag usab dayon sa mga apektadong mag-uuma ug mangingisda.”
Ang pasiunang banabana sa kadaot gikan sa Disaster Risk Reduction Management Operations Center (DRRMOC) sa DA nagpakita nga ang hiniusang epekto sa Crising ug Habagat nakahatag og P134.7 milyones nga kapildihan sa humay, mais, kamoteng kahoy, high value crops, fisheries, livestock ug poultry.
Ang mga apektadong lugar mikabat ug 8,035 ka ektarya samtang ang apektadong mga mag-uuma ug mangingisda adunay 6,377.
Ctto: GMA integrated news
