𝗗𝗨𝗛𝗔 𝗞𝗔 𝗠𝗚𝗔 𝗦𝗔𝗞𝗬𝗔𝗡𝗔𝗡 𝗡𝗔𝗚𝗦𝗨𝗡𝗢𝗗 𝗨𝗚 𝗞𝗔𝗛𝗔𝗚𝗕𝗢𝗡𝗚 𝗦𝗔 𝗣𝗔𝗡𝗚-𝗣𝗔𝗡𝗚

PAGADIAN CITY- Lumping ang nagkadaiyang parte sa duha ka mga sakyanan human nga nagsunod kahagbong sa pang-pang nga bahin sa Barangay Motosawa, Dumalinao Zamboanga del Sur, Hulyo 22,2025.

Base sa kasayuran nga nakalap sa Juander Radyo News team nga ang unang nadisgrasya ang usa ka Fishcar puno sa klase klaseng isda gikan sa Dakbayan sa Zamboanga paingon sa syudad sa Pagadian.

Sigon ni Kapitan Alberto Abalde, nahitabo ang pagka disgrasya sa maong Fishcar alas 5:55 sa hapon sa Purok 1, sa nasangpit nga Barangay,ug nabanggaan sab ang usa ka picanto kulor itom samtang nagparking sa daplin.

Ug sa bandang alas 6 kapin kon kulang sa sayong gabie, sa susamang adlaw usa usab ka Innova color itom ang nahulog sa pang-pang didto sa Purok 3 sa maong Barangay.

Matud pa ni PDRRMO Head Ret.Col.Ronie Villanueva nga posibleng nakatulog ang nagmaneho niini samtang nagmaneho gikan sa dakbayan sa Zamboanga.

Swerte na lang nga wala ray gikatahong nakalas nga kinabuhi sa managsunod nga disgrasya hinuon daling gidala sa balay tambalanan ning syudad ang mga biktima alang sa dinalian nga pagtambal.