PAGADIAN CITY- Nadakpan sa kapulisan ang usa ka Driver, samtang pabilin nga gawasnon ang laing usa pa ka driver sa gilusad nga joint operation sa PNP sa National Highway of Purok 4, Poblacion Tigbao, Zamboanga del Sur, sayo sa buntag, Hulyo 15, 2025.
Ang nadakpan nga suspetsado nailang si alyas “Rich”46 anyos, driver sa Fuel Tank Truck ug residente sa Barangay Tuburan, Aloran, Misamis Occidental.
Samtang ang laing Driver nga nakaikyas ug pabilin nga gawasnon mao si alyas “Leo” 41 anyos , ug lumulupyo sa syudad sa Iligan.
Nakumpiska sa otoridad gikan sa dinakpan ang usa ka Hyundai Starex van nga gituohang maoy gigamit aron kargahan sa mga ilegal nga krudo nga may 50 meter hose aron gamiton pasuyop sa krudo gikan sa fuel tank trucks.
Ang maong mga suspetsado, under surveillance na sa otoridad, gumikan sa sumbong sa Bollozos Trucking Corporation sa gituohang pagkalambigit sa ilang mga driver sa illegal nga pagbaligya sa krudo pinaagi sa ” PAIHI” o pagpasuyop.
Ang nadakpan nga indibidwal sa pagkakaron nakakustudiya na sa Tigbao Municipal Police Station alang sa disposasyon, samtang padayon nga gilusad ang hot pursuit operation aron madakpan ang laing suspetsado nga misibat.
CTTO: Igmat Tigbao
