GENERAL SANTOS CITY- Arestado sa gipahigayon Manhunt Charlie operation ang usa ka lalaki sa Purok Proper, Barangay Datalbukay, Glan, Sarangani Province. Giila ang suspek nga si alyas “PotPot” 20 anyos, ug residente sa nahisutang lugar.
Kun asa ang dinakpan ang gikonsiderang top 9 Most Wanted Person sa Probinsyal level ug dunay kasong pagsupak sa Sexual Assault, ubos sa Article 266-A(2) sa Revised Penal Code in relation sa Section 5(B) Republic Act 7610 (Special Protection of Children Against Abuse, Exploitation and Discrimination Act), nga giisyu sa Presiding Judge sa Family Court, Branch 10, Alabel, Sarangani Province penetsahan niadtong Hunyo 19, tuig 2025, samtang adunay girekomendang pyansa nga mokabat sa PHP200,000.00.
Sa karon balhug sa selda sa Glan MPS, ang maong suspetsado ug ginahulat ang kamanduan sa korte aron maipasa kini sa Baluntay alabel Probinsyal Jail.
