Gibutyag karon sa singer nga si Beyonce nga gikawat ang iyang mga kanta nga wala pa ma-release. Siya miingon nga ang hard drive nga adunay mga bag-ong kanta gikawat gikan sa awto sa iyang koreograpo samtang kini giparking sa Atlanta kaniadtong Hulyo 8 ning kasamtangan nga tuig.
Ang insidente nahitabo duha ka adlaw sa wala pa ang unang adlaw sa iyang Cowboy Carter tour sa Atlanta.
Matod sa iyang choreographer nga si Christopher Grant ug dancer nga si Diandre Blue, ilang giparada ang ilang giabangan nga itom nga Jeep Wagoneer duol sa food hall.
Sa ilang pagbalik sa lugar ilang nasuta nga nabuak ang bintana ug gikawat ang duha ka maleta. Samtang ang kapulisan dunay suspek sa likod sa pagpangawat.
