DIPOLOG CITY- Gideklarang dead on arrival sa ospital ang driver sa Mitsubishi Montero, color sterling silver metallic combination human nga nawad-an sa control ug nibangga sa punuan sa lubi didto sa Brgy. Opao, Dapitan City niadtong nakalabayng gabie.
Giila ang driver nga si alyas “Sito” 77 anyos, minyo, ug residente sa Padre Ramon St. Brgy. Biasong, Dipolog City.
Sumala sa imbestigasyon sa kapulisan, ang biktima ang nagbyahe kini gikan sa Misamis Occidental ug padulong sa direksyon sa Dapitan City. Paghidangat sa lugar nahitabuan, ang driver ang nawalaan kini ug control ug diretsong nibangga sa punuan sa lubi daplin sa karsada.
Tungod sa impact, nakaangkon ug multiple injuries sa nagkadaiyang parte sa kalawasan ang driver nga maoy hinungdan sa iyang kamatayon.
Gisulayan pa kini pagdala sa Dr. Jose Rizal Memorial Hospital sa Dapitan pinaagi sa mga miresponde nga mga personahe sa CDRRMO apan gideklarang dead on arrival sa attending Physician.
