DIPOLOG CITY- Dakpan sa gipahigayong drug buy bust operation sa mga otoridad ang usa ka mananagat, didto sa Sitio Busikong, Barangay Sta. Maria, Siocon, Zamboanga del Norte niadtong Hulyo 13, 2025.
Giila ang dinakpan nga si alyas Isko, 36 anyos, minyo, ug residente sa nasangpit nga barangay. Nasakmit gikan sa dinakpan ang usa ka gamay nga pekete sa shabu nga nagsilbing buy bust item ug lain pang duha ka gamay nga pakete nga nakuha gikan sa iyang posisyon.
Lakip sa narekober ang 500 peso bill nga gigamit isip buy bust money. Ang mga nakumpiska nga druga ang dunay gibug-aton nga mokabat sa duha ka gramo ug nagkantidad ug Php13,600.00.
Gipangunahan ang maong operasyon pinaagi sa mga personahe sa Siocon Municipal Police Station sa koordinasyon sa 905th Regional Mobile Force Battalion 9, Zamboanga del Norte Police Drug Enforcement Unit, ug 2nd Zamboanga del Norte Provincial Mobile Force Company.
Ang dinakpan anaa na karon naka kustudiya sa Siocon MPS alang sa tukmang disposisyon samtang ang mga nasakmit nga mga drug evidence ang giturn-over sa Zamboanga del Norte Forensic Unit at the Liloy Satellite Office alang sa eksaminasyon.
