DIPOLOG CITY- Dakpan sa mga otoridad ang usa ka 47-anyos nga lalaki nga residente sa Purok 4, Tapodoc, Labangan, Zamboanga del Sur atol sa buy-bust operation nga gihimo didto sa Sitio Conacon, Barangay Poblacion North, Polanco, Zamboanga del Norte niadtong nakalabay nga adlaw.
Nasakmit gikan sa suspetsado ang ilegal nga mga sigarilyo nga walay graphic health warning, nga supak sa Republic Act 10643 o Graphic Health Warning Law. Nakumpiska gikan sa iyang posisyon ang 16 ka master cases sa lain-laing brand sa sigarilyo nga adunay gibanabana nga kantidad nga Php1,031,400.00 ug ang mga boodle money.
Gipangunahan ang operation sa mga personahe sa CIDG Zamboanga del Norte PFU ug Polanco Municipal Police Station nga miresulta sa malampusong pagkasikop sa maong suspetsado.
Ang dinakpan ug ang mga ebidensya giturn-over gilayon sa CIDG Zamboanga del Norte PFU alang sa dokumentasyon ug legal nga proseso.
