KIDAPAWAN CITY- Kritikal ang kahimtang sa lalaki nga giila sa alyas nga βValβ 41 anyos, nga gikinahanglan operahan human naigo sa paa ug milusot ang bala paingon sa pribadong parte sa iyang lawas.
Samtang ang babaye giila sa alyas nga βLenglengβ 37 anyos, nga naigo sa iyang sampot. Ang duha pulos taga Barangay Magsaysay, Kidapawan City kinsa gipusil sa boundary sa Birada ug Mua-an, adlaw’ng Martes, Hulyo 15, 2025.
Nasayran nga gikan pa sila sa Barangay Ilomavis diin sila namaligya og isda sa talipapa sa maong lugar. Lima ka mga bala ang miigo sa lawas sa duha ka biktima.Diin unom ka basiyo sa bala sa Caliber .45 ang narecover sa crime scene sa Kidapawan City PNP.
Gibutyag sa mga saksi, riding-in-tandem ang mga suspek ug nagkatawa pa kini, human nila gipusil ang mga biktima bisan naglisod na og ginhawa ang duha sa kalsada.
Matod pa sa ilang pamilya, dili hold-up ang motibo sa krimen tungod kay wala man kuhaa ang ilang kuwarta.
Sumala sa ilang paryente, adunay nakaaway ang duha sa miaging mga adlaw nga posibleng maoy basihan sa imbestigasyon sa mga otoridad.
