TANDAG CITY- Patay nang nakaplagan ang 2 anyos nga batang babaye nga namissing, nagpuyo sa Barangay Tagongon Lungsod sa Tagbina probinsya sa Surigao Del Sur.
Sumala sa inistyal nga imbestigasyon, ang maong bata gi-report nga nawala niadtong adlaw nga Miyerkules Hulyo 9, 2025 mga bandang alas 6 sa buntag. Human sa pipila ka adlaw nga pagpangita, dako kaayo ang kaguol sa amahan tungod kay siya mismo ang nakakita sa patayng lawas sa bata nga naglutaw-lutaw na sa daplin sa suba sa nahisgotang Barangay.
Sa pagkakaron, padayon pa ang gihimong imbestigasyon sa mga otoridad aron masuta kung unsa gayud ang hinungdan sa kamatayon sa maong bata.
