𝗦𝗨𝗦𝗣𝗘𝗞 𝗡𝗚𝗔 𝗠𝗜𝗣𝗔𝗧𝗔𝗬 𝗦𝗔 𝗠𝗘𝗡𝗢𝗥 𝗗𝗘 𝗘𝗗𝗔𝗗 𝗦𝗔 𝗕𝗥𝗚𝗬. 𝗕𝗨𝗥𝗨-𝗨𝗡, 𝗡𝗔𝗚𝗔𝗠𝗜𝗧 𝗦𝗔 𝗜𝗟𝗟𝗘𝗚𝗔𝗟 𝗡𝗚𝗔 𝗗𝗥𝗢𝗚𝗔- 𝗜𝗖𝗣𝗦 𝟮

ILIGAN CITY- Gikumpirma ni PCPT. Reagan A. Adap, Station Commander, Iligan City Police Station 2, nga mga Person Who Use Drugs (PWUDs) ang gitudlong mga suspek nga mihimo sa pagkutlo sa kinabuhi sa 8 anyos nga batang babaye sa Mabuhay, Barangay Buru-un,kung asa nadakpan na ang duha atol sa gikasang drug buy bust operation sa kapaulisan, samtang ang laing usa ka suspek ang nagpabilin nga gawasnon.

Wala lipod-lipod nga gibutyag ni PCPT. Adap atol sa napahigayong press conference nga ang tulo ka mga suspek mag-barkada lang. Gituohan nga ang pagamit og drogang shabu sa mga suspetsado mao ang nagtukmod kanila sa pagbuhat sa nilu-og nga krimen.

Sa kasamtangan anaa na sa City Prosecutor’s Office ang kaso nga gipasaka batok sa mga suspetsado.