DIGOS CITY- Mag atubang ug kasong Frustrated Homicide ang suspek nga si alyas βPototβ human gidunggab niini ang iyang stepfather sa Purok Gemilina, Alisoso Drive, Barangay San Miguel, Odaka, Digos City.
Naila ang biktima nga si alyas Jaime 60 anyos, minyo ug usa ka laborer. Base sa inisyal nga imbestigasyon sa kapulisan, niuli nga hubog ang suspek nanghasi ug nangguba sa mga butang sulod sa ilang panimalay.
Niduol ang biktima ug gibadlong ang humagbos nga dili magmugna og kagubot apan nisangko hinuon kini sa pagpanunggab. Na recover sa crime scene ang kitchen knife nga adunay 18 ka pulgada ang katas-on.
Samtang nisibat ang suspek apan sa wala madugay nisurender sa kapulisan ug nagtingkagol na sa detention facility. Sa pagkakaron, nagpaalim na sa ospital ang biktima.
