𝐃𝐑𝐈𝐕𝐄𝐑 𝐔𝐆 𝐑𝐓𝐌𝐈 𝐌𝐀𝐍𝐀𝐆𝐄𝐌𝐄𝐍𝐓 𝐆𝐈𝐇𝐀𝐓𝐀𝐆𝐀𝐍 𝗢𝗚 𝐓𝐔𝐋𝐎 𝐊𝐀 𝐀𝐃𝐋𝐀𝐖 𝐍𝐆𝐀 𝐓𝐀𝐆𝐀𝐋, 𝐀𝐑𝐎𝐍 𝐌𝐀𝐊𝐀𝐇𝐀𝐓𝐀𝐆 𝗢𝗚 𝐓𝐔𝐁𝐀𝐆 𝐒𝐀 𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑

PAGADIAN CITY- Gihatagan og tulo ka adlaw nga tagal sa Land Transportation Office (LTO) Region 9 ang Driver ug Rural Transit of Mindanao Incorporated (RTMI) Management aron tubagon ang show cause order nga ilang gipagawas.

Kini subay sa gipadayag ni LTO- 9 Regional Director PBGEN Roderick Minong (Ret.) atol sa eksklusibo nga pakighinabi sa Juander Radyo News Team ngadto kaniya, Hulyo 11, 2025 sa buntag.

Gisaysay ni RD Minong, ang iyang buhatan mipagawas dayon ug duha ka show cause order nga gi-address ngadto sa Manager sa RTMI ug sa mismong Driver nga si Junry Polestico, 37 anyos.

Segun pa, una na nilang na serve ang show cause order alang sa Driver human niya gipagawas ug gipirmahan ang show cause order epektibo Hulyo 10, 2025 diin gitakda nga i serve Hulyo 11, 2025, ang show cause sa RTMI Management.

Nakalatid usab sa maong show cause, ang 90 ka adlaw nga suspensyon sa lisensya sa mismong Driver nga si Polestico ingon man sa Franchise sa Rural Bus nga may plate number ACA8147 nga nalambigit sa ngilngig nga aksidente.