PAGADIAN CITY- Samad nilubaan sa nagkadaiyang parte sa lawas, ang na-angkon sa usa ka Persons with Disability (PWD) human giluba sa mga suspetsadong gituohang mga menor de edad sa Entrance Boulevard, Santiago District, Pagadian City, gabie sa Hulyo 9, 2025.
Ang biktima nagpangidaron ug 38 anyos, lalaki ug residente sa San Miguel, Zamboanga del Sur. Sa inisyal nga imbestigasyon, ang biktima kalit lang gi-atake sa usa ka grupo sa suspetsado samtang kini naglakaw sa boulevard.
Nakahimo pagdagan ang biktima sa doul nga kan-anan nga nahimutang sa Brgy. Sta. Lucia, hinungdan kini nadala dayon sa balay tambalanan alang sa medikal nga atensyon.
Gipahigayon dayon ang hot pursuit operation pinaagi sa mga personahe sa Pagadian City Police Station aron maila ug masikop ang mga suspetsado.
